Colossiens 3.14
Vulgate

La vie nouvelle en Christ

¹ igitur si conresurrexistis Christo quae sursum sunt quaerite ubi Christus est in dextera Dei sedens
² quae sursum sunt sapite non quae supra terram
³ mortui enim estis et vita vestra abscondita est cum Christo in Deo
⁴ cum Christus apparuerit vita vestra tunc et vos apparebitis cum ipso in gloria
⁵ mortificate ergo membra vestra quae sunt super terram fornicationem inmunditiam libidinem concupiscentiam malam et avaritiam quae est simulacrorum servitus
⁶ propter quae venit ira Dei super filios incredulitatis
⁷ in quibus et vos ambulastis aliquando cum viveretis in illis
⁸ nunc autem deponite et vos omnia iram indignationem malitiam blasphemiam turpem sermonem de ore vestro

Les relations dans l’Église

⁹ nolite mentiri invicem expoliantes vos veterem hominem cum actibus eius
¹⁰ et induentes novum eum qui renovatur in agnitionem secundum imaginem eius qui creavit eum
¹¹ ubi non est gentilis et Iudaeus circumcisio et praeputium barbarus et Scytha servus et liber sed omnia et in omnibus Christus
¹² induite vos ergo sicut electi Dei sancti et dilecti viscera misericordiae benignitatem humilitatem modestiam patientiam
¹³ subportantes invicem et donantes vobis ipsis si quis adversus aliquem habet querellam sicut et Dominus donavit vobis ita et vos
¹⁴ super omnia autem haec caritatem quod est vinculum perfectionis
¹⁵ et pax Christi exultet in cordibus vestris in qua et vocati estis in uno corpore et grati estote
¹⁶ verbum Christi habitet in vobis abundanter in omni sapientia docentes et commonentes vosmet ipsos psalmis hymnis canticis spiritalibus in gratia cantantes in cordibus vestris Deo
¹⁷ omne quodcumque facitis in verbo aut in opere omnia in nomine Domini Iesu gratias agentes Deo et Patri per ipsum

Les relations à la maison

¹⁸ mulieres subditae estote viris sicut oportet in Domino
¹⁹ viri diligite uxores et nolite amari esse ad illas
²⁰ filii oboedite parentibus per omnia hoc enim placitum est in Domino
²¹ patres nolite ad indignationem provocare filios vestros ut non pusillo animo fiant
²² servi oboedite per omnia dominis carnalibus non ad oculum servientes quasi hominibus placentes sed in simplicitate cordis timentes Dominum
²³ quodcumque facitis ex animo operamini sicut Domino et non hominibus
²⁴ scientes quod a Domino accipietis retributionem hereditatis Domino Christo servite
²⁵ qui enim iniuriam facit recipiet id quod inique gessit et non est personarum acceptio