Néhémie 12.23
Vulgate

Recensement des prêtres et des Lévites

¹ hii autem sacerdotes et Levitae qui ascenderunt cum Zorobabel filio Salathihel et Iosue Saraia Hieremias Ezra
² Amaria Melluch Attus
³ Sechenia Reum Meremuth
⁴ Addo Genthon Abia
⁵ Miamin Madia Belga
⁶ Semaia et Ioarib Idaia Sellum Amoc Elceia
⁷ Idaia isti principes sacerdotum et fratres eorum in diebus Iosue
⁸ porro Levitae Iesua Bennui Cedmihel Sarabia Iuda Mathanias super hymnos ipsi et fratres eorum
⁹ et Becbecia atque et Hanni fratres eorum unusquisque in officio suo
¹⁰ Hiesue autem genuit Ioachim et Ioachim genuit Eliasib et Eliasib genuit Ioiada
¹¹ et Ioiada genuit Ionathan et Ionathan genuit Ieddoa
¹² in diebus autem Ioachim erant sacerdotes principes familiarum Saraiae Amaria Hieremiae Anania
¹³ Ezrae Mosollam Amariae Iohanan
¹⁴ Milico Ionathan Sebeniae Ioseph
¹⁵ Arem Edna Maraioth Elci
¹⁶ Addaiae Zaccharia Genthon Mosollam
¹⁷ Abiae Zecheri Miamin et Moadiae Felti
¹⁸ Belgae Sammua Semaiae Ionathan
¹⁹ Ioiarib Matthanai Iadaiae Azzi
²⁰ Sellaiae Celai Amoc Eber
²¹ Elciae Asebia Idaiae Nathanahel
²² Levitae in diebus Eliasib et Ioiada et Ionan et Ieddoa scripti principes familiarum et sacerdotes in regno Darii Persae
²³ filii Levi principes familiarum scripti in libro verborum dierum et usque ad dies Ionathan filii Eliasib
²⁴ et principes Levitarum Asebia Serebia et Iesue filius Cedmihel et fratres eorum per vices suas ut laudarent et confiterentur iuxta praeceptum David viri Dei et observarent aeque per ordinem
²⁵ Matthania et Becbecia Obedia Mosollam Thelmon Accub custodes portarum et vestibulorum ante portas
²⁶ hii in diebus Ioachim filii Iesue filii Iosedech et in diebus Neemiae ducis et Ezrae sacerdotis scribaeque

Dédicace de la muraille de Jérusalem

²⁷ in dedicatione autem muri Hierusalem requisierunt Levitas de omnibus locis suis ut adducerent eos in Hierusalem et facerent dedicationem et laetitiam in actione gratiarum et in cantico in cymbalis psalteriis et citharis
²⁸ congregati sunt ergo filii cantorum et de campestribus circa Hierusalem et de villis Netuphati
²⁹ et de domo Galgal et de regionibus Geba et Azmaveth quoniam villas aedificaverunt sibi cantores in circuitu Hierusalem
³⁰ et mundati sunt sacerdotes et Levitae et mundaverunt populum et portas et murum
³¹ ascendere autem feci principes Iuda super murum et statui duos choros laudantium magnos et ierunt ad dexteram super murum ad portam Sterquilinii
³² et ivit post eos Osaias et media pars principum Iuda
³³ et Azarias Ezras et Mosollam
³⁴ Iuda et Beniamin et Semeia et Hieremia
³⁵ et de filiis sacerdotum in tubis Zaccharias filius Ionathan filius Semeiae filius Mathaniae filius Michaiae filius Zecchur filius Asaph
³⁶ et fratres eius Semeia et Azarel Malalai Galalai Maai Nathanel et Iuda et Anani in vasis cantici David viri Dei et Ezras scriba ante eos in porta Fontis
³⁷ et contra eos ascenderunt in gradibus civitatis David in ascensu muri super domum David et usque ad portam Aquarum ad orientem
³⁸ et chorus secundus gratias referentium ibat ex adverso et ego post eum et media pars populi super murum et super turrem Furnorum et usque ad murum latissimum
³⁹ et super portam Ephraim et super portam Antiquam et super portam Piscium et turrem Ananehel et turrem Ema et usque ad portam Gregis et steterunt in porta Custodiae
⁴⁰ steteruntque duo chori laudantium in domo Dei et ego et dimidia pars magistratuum mecum
⁴¹ et sacerdotes Eliachim Maasia Miniamin Michea Elioenai Zaccharia Anania in tubis
⁴² et Maasia et Semea et Eleazar et Azi et Iohanan et Melchia et Elam et Ezer et clare cecinerunt cantores et Iezraia praepositus
⁴³ et immolaverunt in die illa victimas magnas et laetati sunt Deus enim laetificaverat eos laetitia magna sed et uxores eorum et liberi gavisi sunt et audita est laetitia Hierusalem procul

Revenus des serviteurs du temple

⁴⁴ recensuerunt quoque in die illa viros super gazofilacia thesauri ad libamina et ad primitias et ad decimas ut introferrent per eos principes civitatis in decore gratiarum actionis sacerdotes et Levitas quia laetatus est Iuda in sacerdotibus et Levitis adstantibus
⁴⁵ et custodierunt observationem Dei sui et observationem expiationis et cantores et ianitores iuxta praeceptum David et Salomonis filii eius
⁴⁶ quia in diebus David et Asaph ab exordio erant principes constituti cantorum in carmine laudantium et confitentium Deo
⁴⁷ et omnis Israhel in diebus Zorobabel et in diebus Neemiae dabat partes cantoribus et ianitoribus per dies singulos et sanctificabant Levitas et Levitae sanctificabant filios Aaron