Cantique 1.13
Vulgate

La jeune femme

¹ Cantique des cantiques, de Salomon.
² osculetur me osculo oris sui quia meliora sunt ubera tua vino
³ fraglantia unguentis optimis oleum effusum nomen tuum ideo adulescentulae dilexerunt te
⁴ trahe me post te curremus introduxit me rex in cellaria sua exultabimus et laetabimur in te memores uberum tuorum super vinum recti diligunt te

La jeune femme

⁵ nigra sum sed formonsa filiae Hierusalem sicut tabernacula Cedar sicut pelles Salomonis
⁶ nolite me considerare quod fusca sim quia decoloravit me sol filii matris meae pugnaverunt contra me posuerunt me custodem in vineis vineam meam non custodivi
⁷ indica mihi quem diligit anima mea ubi pascas ubi cubes in meridie ne vagari incipiam per greges sodalium tuorum

Les filles de Jérusalem

⁸ si ignoras te o pulchra inter mulieres egredere et abi post vestigia gregum et pasce hedos tuos iuxta tabernacula pastorum

Le jeune homme

⁹ equitatui meo in curribus Pharaonis adsimilavi te amica mea
¹⁰ pulchrae sunt genae tuae sicut turturis collum tuum sicut monilia

Les filles de Jérusalem

¹¹ murenulas aureas faciemus tibi vermiculatas argento

La jeune femme

¹² dum esset rex in accubitu suo nardus mea dedit odorem suum
¹³ fasciculus murrae dilectus meus mihi inter ubera mea commorabitur
¹⁴ botrus cypri dilectus meus mihi in vineis Engaddi

Le jeune homme

¹⁵ ecce tu pulchra es amica mea ecce tu pulchra oculi tui columbarum

La jeune femme

¹⁶ ecce tu pulcher es dilecte mi et decorus lectulus noster floridus
¹⁷ tigna domorum nostrarum cedrina laquearia nostra cypressina